بتهاجموا تركي آل شيخ ليه ؟؟؟…..
اللي هدم مسارح اسكندرية التاريخية مش تركي !
اللي هدم مسرح السلام بسيدي جابر اللي وقف عليه كل نجوم الفن في تاريخ مصر وآخرهم سمير غانم ….مش تركي !
اللي هدم مسرح ابو السعود الابياري في الانفوشي وخلاها ورشة سيارات ….مش تركي !
اللي منع المنافسة وخلى الإنتاج كله عن طريق شركة واحدة واي حد يشتغل من خلالها يعني مرضي عليه هو و أهله و جيران جيرانه ….مش تركي!
اللي خلى مافيش كاتب يعبر عن مشاكل بلده بحرية و معاناة بلده بصدق ….مش تركي!
اللي بيحرض ويهاجم باعلامه الموحد والموجه ضد أي عمل فني بحجة تشويه سمعة البلد …..مش تركي !
اللي خلى مافيش قيمة لاي حاجة غير الفلوس …فأصبحت الفلوس هي القيمة الوحيدة كله مستعد يعمل اي حاجة عشانها ……مش تركي!!
تركي بقا معاه الفلوس اللي كله بيدور عليها ….. هو حر بقا يفرض أي قيمة ع مزاجه ….. يطلعكم حرامية ….يطلعكم اراجوزات ….. يخلي الاعلام حر تماما و تنتقد احوال البلد …… أو يمنعك تجيب سيرتها و يشغلك تجيب اخبار موسم الرياض بس …… هو حر ….هو.حر …. من حكم في ماله ما ظلم .
بس ارجو عدم الحديث عن الانتماء وحب الوطن و ماتقولش ايه اديتنا مصر.
عشان اللي معاهم ملايين وشافطين من خير مصر شفط …..عند أول شيك فيه ريالات….. ولا بيفرق معاه
فمش عارف حتفرق مع الفقير اللي مش طايل ازاي بصراحة !!
نشرها على القماش فى منتدى الحوار النقابى
