🔴 دمار كبير في اسرائيل، وأكتر من 22 دبابة اسرائيلية اتفحمت على حدود لبنان! البوست اليومي لهتك عرض الصهاينة وصل، بس البطل المرة دي مش إيران بس، دول أسود لبنان كمان، اللي سطروا خلال الساعات اللي فاتت واحدة من أعظم الملاحم في تاريخ الصراع العربي الإسرائيلي…
تخيل يا مؤمن إن في ليلة واحدة، أسود (الحزب) نفذوا أكتر من 87 عملية ضد جيش الاحتلال؟! رقم غير مسبوق ومحصلش تقريبًا قبل كده… والمكان اللي حصلت فيه الملحمة دي، كان ما بين بلدة الطيبة والقنطرة بقرب الحدود اللبنانية… خليني أحكيلك ازاي وشوف الصورة والستوري 👇
🔹️ امبارح كانت في قوة اسرائيلية بتتقدم في المنطقة هناك، كجزء من عمليتهم البرية الهادفة للاستيلاء على جنوب لبنان واحتلاله وضم أراضيهم لإسرائيل، واللي من أجلها بقالهم أيام بينفذوا تفجيرات في الجسور اللي بيستعملها الحزب لنقل المؤن والمعدات، لمحاصرتهم في منطقة الليطاني… بس المرة دي في أثناء ما القوات الصهيونية بتتقدم، حصلت مفاجأة…
كمين من قوات المقاومين طلع فجأة من تحت الأرض، ومن كل اتجاه بدأوا يمطروا القوات الإسرائيلية بالطلقات والصواريخ؛ بما فيها دبابات الميركافا الغالية، اللي هي تعتبر درة الصناعات العسكرية المدرعة الصهيونية والواحدة منها بتكلف 7 مليون دولار في المتوسط…
🔸️ والنتيجة؟ مذبحة شاملة لا تتصورها… أكتر من 22 دبابة ميركافا اتدشملت واتفحمت في الهجوم ده فقط، ومعاهم جرافة من نوع D-9 اللي هي أصلًا جاية عشان تسحب المعدات العالقة، قامت ركنت جنبهم واتحولت لخردة!
الاشتباكات اللي حصلت بحسب الأنباء كانت كلها من المسافة صفر، يعني وجهًا لوجه، وأسفرت عن خسائر كبيرة لدرجة إن قائد كتيبة و4 جنود صهاينة اتصابوا إصابات حرجة، والجيش الإسرائيلي امبارح اعترف بمقتل الجندي “أوري جرينبرج” من لواء جولاني، وسايبلك صورته في الكومنتات تحت…
⚫️ طب هل التدمير وقف هنا بس؟
لأ طبعًا.. وحوش لبنان نفذوا في يوم واحد بس عمليات ضخمة قصفوا فيها مستوطنات “بيت هلل”، “كريات شمونة”، و”المطلة”، وضربوا فيها مقر وزارة الدفاع الإسرائيلية (الكرياه) في قلب تل أبيب، وثكنة “دولفين” التابعة للاستخبارات العسكرية… ولأول مرة في الهجمات دي بدأوا يستعملوا صواريخ من طراز “فجر” و”خيبر” بدل صواريخ الكاتيوشا التقليدية…
ومش بس كده، دول لسه من شوية كمان أعلنوا نجاحهم في الهجوم على مروحية اسرائيلية في أجواء بلدة “كفركلا” اللبنانية، وأجبروها على التراجع بعد استهدافها بصاروخ دفاع جوي… وبحسب مصادر رسمية لجيش الاحتلال، فـ في آخر 24 ساعة بس، الحزب ضربهم بأكتر من 600 صاروخ كاملين!
🟣 ولسه لسه… التقيل جاي…
الكابوس الحقيقي بقى هو اللي بيحصل في إسرائيل من الصبح، وتحديدًا في منطقة “نهاريا” اللي تم الحط عليها بنجاح بكل الطرق والوسائيل بقالها ساعات، والمشاهد اللي جاية من هناك مدهشة الحقيقة…
الحرس الثوري الإيراني بقالها ساعات بيضرب اسرائيل كلها برشقات صاروخية ومسيرات انتحارية أصبحت بتعبر من الدفاعات الجوية زي السكينة في الحلاوة… وبجانبهم كمان الفصائل اللبنانية وجهت قصفها على منطقة نهاريا بالذات، والنتيجة النهاردة (حتى الآن وبحسب المُعلن رسميًا من إعلام الاحتلال) هي سقوط قتيل إسرائيلي وإصابة حوالي 12 شخص (بينهم حالات حرجة)…
🔹️ ده غير كمان خد عندك:
الصواريخ حققت إصابات مباشرة في مباني سكنية (مكونة من 3 أدوار) واتسببت في ضرر كبير في “بنية تحتية للغاز” بمدينة نهاريا، وبالتوازي مع ده طائرة مسيرة انتحارية انفجرت في الجليل ومسيرة تانية انفجرت في مستوطنة “شلومي” الحدودية، والاتنين من غير ما يتم رصدهم أو تفعيل إنذار مسبق! بوم طخ علطول من غير سلام عليكم!
كمان الصواريخ الانشطارية الإيرانية اللي نازلة على دماغ المستوطنين من الصبح اتسببت في نشوب حرائق ضخمة وتصاعد دخان كثيف في مناطق تانية زي “بتاح تكفا” و”راس العين” “وكريات شمونة” و”الجليل” وغيرهم بسبب القصف المستمر…
الصواريخ الباليستية الإيرانية من طراز (عماد، قيام، وخرمشهر 4) بقت حاليًا مسيطرة على سما تل أبيب بالكامل، لدرجة إن 60% من سكان المدينة وضواحيها في المناطق المحيطة أصبحوا دلوقتي عايشين تحت الأرض في الملاجئ وبياكلوا وجبات معلبة زي الفئران…
🔵 ده غير كمان مفاجأة… تقرير من صحيفة عالمية (النيويورك تايمز) اتنشر من كام ساعة، بيقول ان القواعد الأمريكية في المنطقة اتدمرت واتعرضت لأضرار بالغة، لدرجة إن الجنود والضباط الأمريكان هربوا منها وحاليًا قاعدين في فنادق ومكاتب بيشتغلوا “Remote” زي الفريلانسرز!
وتقارير إخبارية تانية بتقولك إن إيران بدأت تجميع أكتر من مليون جندي تجهيزًا لحرب برية مع أمريكا (غالبًا هيبقوا من الشعب مباشرة تبع قولت الباسيج).. وبالفعل الشعب الإيراني نفسه بدأ ينزل في بعض الفيديوهات اللي انتشرت من شوية، وتوجهوا بنفسهم وبدون طلب من حد نحو الجزر الإيرانية اللي بتقول تقارير الـ CNN إن ترامب بيخطط وبيجهز قواته لغزوها قريب… ودلوقتي الشعب الإيراني نفسه هو اللي مستنيهم، وفي تقرير تاني بردو لـ CNN بيقولك انهم فخخوا جزيرة خرج بالكامل بالعبوات الناسفة والألغام، وقادة الجيش بيقولولهم تعالوا… احنا مستنيينكم…
🟡 طب خلاص كده؟!
لأ يا صاحبي… لسه في أكتر… الجديد بقى والموجع للكيان ولأمريكا، هو دخول الدب الروسي على الخط بشكل رسمي المرة دي، عشان بحسب تقارير استخباراتية نشرت مؤخرًا، روسيا بالفعل بدأت تبعت لإيران مسيرات انتحارية (جيران-2 وشاهد-136) بشكل خفي في داخل شحنات المساعدات الغذائية اللي بتوصلهالهم… ومعاها بتساعدهم بصور الأقمار الصناعية وبيانات استهداف دقيقة لمواقع القوات الأمريكية والبنى التحتية الإسرائيلية في المنطقة…
🟢 يعني الحفلة خلاص بقت عالمية والكل بيشارك في الواجب، ولسه من شوية مصلحة الضرائب الإسرائيلية قالت انها استقبلت في خلال الأيام اللي فاتت ومنذ بدء الحرب؛ أكتر من 20 ألف طلب تعويض من الناس اللي بيوتهم ومصالحهم اتدمرت… وسايبلك المصدر في الصورة وفي الكومنتات بردو…
🔹️ الموضوع وصل لإن رئيس الأركان في جيش الاحتلال الإسرائيلي إيال زامير قال من شوية تحذير مذهل.. قالك نصًا اللي جاي ده، خلال اجتماع لمجلس الوزراء وكان بحضور نتنياهو ورؤساء المؤسسة الدفاعية وبعض الوزراء:
“أنا أرفع 10 أعلام حمراء قبل أن ينهار الجيش الإسرائيلي على نفسه!”
عاش يا وحوش وعاش كل من داس على رقبة المحتل… إن شاء الله الموازين هتتغير بفضل شجاعتكم وإقدامكم والعزيمة اللي بتكتبوا بيها سطور من الملاحم في كتب التاريخ… ومنصورين بإذن الله على قوى الشر وعلى كل الأعداء…
🔴🔴 المصادر في الكومنتات والصورة، وفي صور كتير في الكومنتات والستوري 👇 وضروري بس تعمل شير عشان التفاصيل توصل للكل كالعادة ويعرفوا التطورات دي كلها…
مساءك ورد.
علام
